சனி, 27 ஜூன், 2009

பிரியம்

உனக்கும் எனக்குமான இடைவெளியில்
நீளும் இந்த இருப்புப் பாதை
இணைந்து விடவும் கூடும்
அந்திக் கருக்கலை தாண்டி.

கருகி விட்ட பிரியம்
மீண்டும் முளைத்து விடும்
நீயும் நானும்
அறியாத ஒரு கணத்தில்.

ஆதலால்

சலனமற்று கிடக்கும்
இந்த புகைப்படங்களை
நான் வைத்துக்கொள்கிறேன்.

எப்போதும் நீயெனக்கு கொண்டுவரும்
ரோஜா செடிகளை
நீயே வைத்துக்கொள்.

கருத்துகள் இல்லை:

கருத்துரையிடுக